RELEASED: 7 Febbraio 2016
ARTIST: Genny Basso
Funiculì Funiculà
1. Live in Rome, Sala Accademica Ist. Pontificio Musica Sacra

Lyrics: G. Turco
Music: L. Denza
1880

Aisséra, Nanninè’, mme ne sagliette,
tu saje addó’… Tu saje addó’…
Addó’, ‘sto core ‘ngrato, cchiù dispiette
farme nun pò… Farme nun pò!
Addó’ lo ffuoco coce, ma si fuje,
te lassa stá… Te lassa stá.
E nun te corre appriesso e nun te struje
sulo a guardá… Sulo a guardá…
Jammo, jammo, ‘ncoppa jammo ja’…
Jammo, jammo, ‘ncoppa jammo ja’…
Funiculì Funiculà, Funiculì Funiculà …
‘Ncoppa jammo ja’, Funiculì Funiculà ….
Nèh jammo: da la terra a la montagna,
no passo nc’è… No passo nc’è…
Se vede Francia, Pròceta, la Spagna…
e io veco a te! E io veco a te…
Tiráte co li ffune, ditto ‘nfatto,
‘ncielo se va… ‘Ncielo se va…
Se va comm’a lo viento e, a ll’intrasatto,
gué saglie sá’… Gué saglie sá’…
Jammo, jammo, ‘ncoppa jammo ja’…
Jammo, jammo, ‘ncoppa jammo ja’…
Funiculì Funiculà, Funiculì Funiculà …
‘Ncoppa jammo ja’, Funiculì Funiculà ….
Se n’è sagliuta, oje né’, se n’è sagliuta,
la capa giá… La capa giá..
E’ ghiuta, po’ è tornata, po’ è venuta…
Sta sempe ccá… Sta sempe ccá…
La capa vota vota attuorno, attuorno,
attuorno a te… Attuorno a te…
Lo core canta sempe no taluorno:
Sposammo, oje né’… Sposammo, oje né’…
Jammo, jammo, ‘ncoppa jammo ja’…
Jammo, jammo, ‘ncoppa jammo ja’…
Funiculì Funiculà, Funiculì Funiculà …
‘Ncoppa jammo ja’, Funiculì Funiculà


© 2016 Genny Basso; All rights reserved. dopolavoro